كامله

ف منطقة عادية م الطبقة المتوسطة بس ع شعبي شوية ف عمارة ٥ ادوار جوة شقة ف الدور الاول جوة اوضة شاب ع سريره ف سابع نومة فجأة يقوم مڤزوع ع صوت زعيق ستات وشتايم يقوم يجري يدخل البلكونة يلاقي بنتين وواحدة ست واقفين فيها بيتخانقوا مع ٣ بنات وواحدة ست ف البلكونة الي ف وشهم قريبة منهم جدا
شهاب في ايه جدعان ع الصبح
نوقف لحظة .. شهاب شاب وسيم بشرته خمرية عيونه رمادي شعره اسود جسمه متوسط ورياضي شوية طويل وعريض عنده ٢٣ سنة متخرج من كلية تجارة عنده اختين بنات واحدة اصغر منه وجدان وواحدة اكبر منه هدير ومقري فتحتها ظروفهم المادية بسيطة بباه طالع ع المعاش ومامته ربة منزل .. نرجع تاني
وجدان ب زعيق ناس ژبالة معندهمش زوق
فاطمة ب زعيق انتي الي ژبالة ومتربتيش كمان
نوقف لحظة .. فاطمة بنت جميلة بشرتها بيضة ووشها مدور عيونها عسلي شعرها اسود طويل جسمها كيرڤي مظبوط طولها متوسط عندها ٢٠ سنة ليها اختين بنات اسراء ٢٢ سنة وهند ٢٣ سنة بباهم مټوفي وعايشين مع مامتهم ظروفهم المادية كويسة البنات ليهم محل هدوم وارثينه عن بباهم شغالين فيه .. نرجع تاني
شهاب ايه ي حلوة انتي مش شايفة في راجل واقف !!!!
هند والله احنا مش شايفين غير شوية حريم فاضية كل شوية يطلعوا يتخانقوا ع الفاضية والمليانة ويتلككولنا
هدير وهنتلككلكوا ليه ي حببتي اتجوزتي ابونا ولا تبقي جوز امنا
فاطمة والله ميشرفناش
شهاب لااااا ي ماما لحد هنا وتفصلي بقا لمي بناتك ي ام هند عشان مغلطش ف واحدة فيهم انا لحد دلوقتي عامل حساب ل ابوهم الله يرحموا
بالصورة السريعة يفضلوا يتخانقوا كلمة من هنا ع كلمة من هنا وتقلع ام شهاب شبشبها وتحدفهم بيه وشهاب يحوشها والبنات يشتموا و و و و و و و و و و ……
ام هند ب زعيق يلا منك ليها خلصنا بقا ادخلوا
وجدان سكتناله دخل ب حماره
شهاب وهو بيزقها ع جوة خلصنا خشي
كل واحد يدخل جوة اخيييرا
هدير كل يوم ع القرف دة !!!!
الام مهو ي احنا نعزل من هنا ي هما الي يعزلوا
شهاب وليه هو انتوا متعرفوش تقعدوا من غير خناق ابدا !!!!
وجدان ي بني هما الي مستفزين
شهاب هو حصل ايه اصلا !
وجدان مشغلين الاغاني ع اخرها وهي شقتهم لازقة فينا احنا بنسمع دبة النملة عندهم ليه وليه بقا امك قالت ل الخرة فاطمة وطي الاغاني شوية
شهاب وبعدين
وجدان بس فضلت تقول هو كل شوية وطوا الاغاني وطوا صوتكم اطفوا التليفزيون امكوا بتزعق انتوا موراكوش غيرنا ولا ايه واڼفجرت بقا
شهاب اممممم
هدير هي البت دي عاوزة كسر رقبتها شعللتنا كلنا
وجدان ربنا يهدها البعيدة
الام انا هجيب شبشبي ازاي دلوقتي
شهاب وهو بيقوم عليه العوض بقا .. انا هلبس ونازل ياريت مترجعوش تكملوا الخناقة عشان انا مش موجود احوشكم
الام رايح فين
شهاب هنزل ع القهوة ولا اي حتة م خلاص ضيعتوا النوم من عيني
الام ليه مش رايح الشغل ولا ايه !!
شهاب ب ملل اه رايح الزفت
الام هاتلي وانت جاي دوا السكر
شهاب حاضر
يدخل شهاب يلبس وينزل يمسك الفون
شهاب ايه ياض فينك
عصام ع القهوة ايه الي مصحيك دلوقتي !!!!
شهاب لما اجي ابقا اقولك .. سلام
يقفل شهاب ويروح ل عصام ع القهوة قرب البيت
عصام ايه ي عم انت راجع الفجر امبارح لحقت تنام !!!!
شهاب صحيت ع قرف كل يوم خناق مع ام الجيران الي ف وشنا
عصام حصل ايه تاني !
يحكيله
عصام مش سهلين ابدا البنات دول
شهاب ع نفسهم يابا انا بس مش فاضيلهم
عصام مع انهم مزز صراحة التلاتة اجمد من بعض ولاد الجزمة .. معرفتش تجيب حد فيهم سكة
شهاب ي بني احنا من ساعة م عرفناهم واحنا ف خناق
عصام طب م تجرب يمكن تسلك مع واحدة فيهم وتفض المشاكل دي وتريح دماغك
شهاب ي عم مبطقش امهم انا لأ
ف بيت فاطمة
فاطمة انا نازلة ي ماما
الام ماشي متتأخريش
فاطمة طيب سلام
هند م تخليكي وانزلي معايا المحل اسراء تعبانة
فاطمة انا ورايا شغلي
تمشي فاطمة
هند محسساني انها شغالة دكتورة
الام سبيها براحتها
هند طيب
تنزل فاطمة م العمارة وتمشي تعدي من قدام القهوة الي عليها شهاب يشوفها شهاب يبصلها ب غيظ تلمحه بس متبصلوش وتكمل مشي يقوم شهاب
عصام رايح فين
شهاب اهدى
يمشي ورا فاطمة
شهاب والنبي متبقيش تتعصبي علينا تاني عشان احنا غلابة ومش حملك
تسمعه فاطمة ومتردش
شهاب بس قلبتنا وحشة اوي
فاطمة وهي ماشية اعلى م ف خيلك اركبه
شهاب اقسم بالله م عاوز أأذي حد فيكوا عشان عندي بنات زيكم
تقف فاطمة وتلفله
فاطمة وهي بتضغط ب صوباعها تحت كتفه عيد تربيتهم بقا عشان م الواضح كدة انك مش فاضيلهم
يتعصب شهاب م الحركة والكلام ويجيب اخره يمسك ايدها مرة واحدة تخبط فيه تتخض
شهاب ورحمة ابوكي الي ارتاح من خلقكم دي لو م اتلميتي ي فاطمة ل هتشوفي مني وش اسود ملوش ملامح انتي واخواتك
فاطمة سيب ايدي بدل والله اصوت وافرج عليك الشارع واقول عاوز يخطفني
يبتسم شهاب ب خباثة
شهاب وهو بيبصلها من فوق ل تحت والله فكرة ان واحدة فيكم تتخطف وتتظبط كدة اكيد هتتلموا وقتها
تخاف فاطمة يسيبها شهاب تمشي بسرعة يرجع شهاب القهوة
عصام ايه عملت ايه
شهاب اتخانقت معاها
عصام ي بني لسة بقولك لم الليلة تقولي اتخانقت
شهاب فكك منها .. المهم انا عاوز شغل
عصام ب استغراب نعم !! شغل ايه انت مش شغال !!!
شهاب سيبته امبارح
عصام ب استغراب اومال كنت فين لحد الفجر !!!
شهاب رحت ل خليل قعدت مع البت مروة مودي كان زي الزفت
عصام ي عم وشغلك سيبته ليه !!!
شهاب طلعنا ام العفش للشقة ٨ ادوار طالعين نازلين وم البلكونة بالونش بندخل ف الحاجة وف الاخر ازاز النيش ضرفة اتكسرت قام لبسنا احنا حقه ي اخي ليه ملبسش حق مصېبة معملتهاش انا قلتله هات حسابي وامشي يقولي لا مخصوم منك ٢٠٠ جنيه الازاز الي اتكسر
عصام قمت مشيت
شهاب لا كسرت عليه الضرفة التانية ب حق شقايا وبعدين مشيت
عصام يخربيت فقرك بتهزر
شهاب لا مش بهزر اومال اسيب حقي ومش انا اصلا الي كنت بطلع النيش وحسبوا ع كلوا
عصام كنت اتفاهمت معاه طيب
شهاب مفيهاش تفاهم دي ي عم ي توافق تشيل الليلة ي تغور .. متنساش بقا اي ام شغلانة احسن لو ابويا عرف هيفتحلي صوته
عصام لا تمام
اي حاجة تييجي ف طريقي هقولك
شهاب ماشي
فاطمة ف الطريق ل شغلها ف مكان تانى لانها مبترضاش تقف ف محلهم عشان ف المنطقة كل الي ف بالها حاليا شهاب وعمالة ټلعن فيه وټشتم توصل فاطمة مول كبير وتدخل محل ملابس فيه
فاطمة صباح الخير
ياسر صباح النور .. فطرتي ولا لسة
فاطمة لا لسة هستنى اسماء نفطر سوا
ياسر طب م نفطر احنا سوا
فاطمة حضرتك انا معرفش هنا غير اسماء لاني مكملتش لسة يومين ف هفطر مع اسماء
ياسر طب م نتعرف ايه المشكلة
فاطمة انا جاية اشتغل مش جاية اتعرف
ياسر وانا اقدر اوي البنت المكافحة
فاطمة لو فضلت تكلمني بالاسلوب دة انا همشي
ياسر لا وع ايه خلاص
تدخل بنت
اسماء صباحووو
الكل صباحووو
اسماء فطرتي
فاطمة لا مستنياكي
اسماء طب اشطا هروح اجيب ساندويتشات
الحلقة الثانية ٢
ياسر اعملي حسابي معاكوا
اسماء عنيا عاوزين حاجة تاني
فاطمة هتيلي بيبسي
اسماء اوك
تمشي اسماء
ياسر لسة مش عاوزة نتعرف
تتنهد فاطمة تاني يوم ف محل موبايلات بتاع عصام شهاب واقف معاه
شهاب ملقتش حاجة
عصام لسة والله
شهاب ماشي
يدخل شاب
هيثم مساؤو ي اخوة
شهاب وعصام مساؤو
هيثم هتيجوا قاعدة الولا حسن بالليل
عصام جايين طبعا
هيثم طب عاوزين نلم من كل واحد ٥٠ جنيه هنجيبله الفاكهه احسن فلس خلاص
شهاب طيب ماشي مفيش مشكلة
فاطمة واقفة ف البلكونة بتنشر يلمحها شهاب يفضل باصصلها تشوفه باصصلها تبصله يضير وشه تبصله ب استحقار وتدخل جوة ييجي الليل ف الشارع ناصبين صوان ل قاعدة صاحبهم وشباب ورجالة بيشربوا سجاير فيها مخډرات واغاني dg والكل بيرقص وهايصين فاطمة راجعة من شغلها تعدي من جنب الصوان شاب بيرقص يشوفها يروح يرقص قصادها تتخض فاطمة
فاطمة وبعدين بقااا
فاطمة مش عارفة تعدي وخاېفة تزعقله او تزقه يتهور عليها لانه باين شارب يلمحهم عصام
عصام ل شهاب الحق صاحبتك متثبتة
شهاب مين !
يبص شهاب يشوفها
فاطمة رقصك جميل والله عديني بقا خلاص
يقرب شهاب ع الشاب وياخده تحت ايده يرقص معاه جوة تبصله فاطمة وبعدين تمشي تطلع البيت تلاقي اخواتها واقفين ف البلكونة
فاطمة وهي بتقرب عليهم واقفين كدة ليه !!!
هند بنتفرج
اسراء تعالي شوفي شهاب رقصه حلو اوي
تقف معاهم فاطمة تتفرج يعدي الوقت تاني يوم فاطمة وشهاب نازلين ف نفس الوقت ماشية فاطمة يقرب شهاب يمشي قريب منها
شهاب فقرة الرقص دي المفروض ف اخرها يطلع مطوته ويضرب بيها الي قدامه
تضحك فاطمة ڠصب عنها
فاطمة احم
يضحك شهاب تعدي من جنبه بنت لابسة ضيق
شهاب وهو بيبصلها لا جامد طب زيرو كام طيب
تبتسم البنت فاطمة شيفاهم تبصله ب استحقار وتمد قدامه يبصلها شهاب ويبتسم كان قاصد يعاكس قدامها
ام ندى ي شهاااااب
شهاب ايه ي ام ندى
ام ندى تعالي والنبي ي حبيبي نزلي باب المحل
شهاب عنيا حاضر
يقرب شهاب ويشدلها باب المحل يقفله تبصله فاطمة وتكمل طريقها تعدي الايام شهاب وامه قاعدين
الام يعني انت بقالك اسبوع قاعد م الشغل !
شهاب اه
الام يلهوي عليا .. طب مجربتش تروح تاني تستسمحوا يمكن يوافق يرجعك
شهاب بقولك انا الي مشيت وبعدين من امتى ابنك بيتزلل لحد مهما كان اروح ل ابن كلب زي دة اقوله والنبي رجعني !!!!
الام اعمل ايه بس ياربي
شهاب انتي شايلة هم ليه بس م انا بديكي فلوس علاجك وكل حاجة ماشية تمام
الام وبتدهالي منين بقا لما انت قاعد م الشغل !!!
شهاب بستلفها من عصام
الام ب انفعال يخرابي وليه الديون دي ي بني هتسدها منين بس
شهاب متشغليش بالك انتي انا وعصام مع بعض بنتصرف ولو في اي شغل قطاعي بيجبهولي
الام طب اقول ل ابوك يشوفلك شغل
شهاب هيشوفلي ايه هيوقفني ف مكتبة ولا ف سنترال
الام وماله اهو اي شغلانة مش عيب
شهاب وانا ماليش ف شغل الحريم دة ي اشتغل زي الرجالة ي اقعد ف البيت جنبك زيهم لكن الاسم بشتغل وشغلانات معفنة ع ملاليم يبقا ايه لزمتها بقا
الام لا اله الا الله
شهاب وهو بيقوم هقوم اناملي ساعتين
يعدي الوقت شهاب ف اوضته نايم وفجأة ……….
صوت عالي هنساااااك كل غلطه غلطها قلبك يوم ف حقى كل چرح وكل دمعه بكاها قلبى هردهاااااالك مش هنسهالك خد حياتك ذكرياتك خد هوااااااك وادينى قلبى اللى اتظلم ف سنين هواك
يقوم شهاب ع اخره يفتح البلكونة ولسة هينده يشوف من اوضة فاطمة واقفة اسراء بترقص
اسراء وهي بتشد فاطمة قومي بقاااا
تقوم فاطمة ترقص معاها
الصوت مشوار حياتك كملو مع حد تانى مع قلب غير قلبى انا مع حب تانى وانا وانت والأيام وادى الحياه ادام هشوف چرح مين هيعيش وچرح مين هينام كل غلطه غلطها قلبك يوم فى حقى كل چرح وكل دمعه بكاها قلبى هردهاااالك مش هنسهالك خد حياتك ذكرياتك خد هوااااك وادينى قلبى اللى اتظلم ف سنين هوااك
شهاب ع الصبح كدة النكد دة م تجيبوا صبارة وټدفنونا احسن
اسراء وهي طالعة البلكونة معلش صحيناك
شهاب ولا يهمك
فاطمة م يصحى يعني ولا يتفلق
شهاب يما خليكي محضر خير
فاطمة امااا .. انا اخلف شحط زيك
شهاب وبعدين بقا ف طولة اللسان دي
اسراء معلش ي شهاب دي بتهزر .. خشي يلا
يدخلوا ويقفلوا البلكونة
شهاب بوز الفقر كتك الارف
ييجي الليل شهاب قاعد مع عصام ع القهوة
عصام جايبلك شغالة سقع
شهاب الحقني بيها
عصام هي صعبة شوية بس انت هتسلك فيها
شهاب ايه هي ي عم قول
عصام بادي جارد
شهاب لا والله !!!!
عصام لو موافق اخدك اوريك المكان ويعرفوك النظام وكدة
شهاب ي عم براحة عليا انت شايف جون سينا قدامك
عصام وهو انا واخدك تحارب دة انت هتقف ع باب ديسكوا انت وواحد تاني جنبك بس هو عشان بتاع ناس تقال ف عاوز امن
شهاب قول بقا امن مش بااااادي جارد
عصام مش هتفرق يعني البس بس انت الحتة الي ع الحبل وهجيلك بالليل نروح
شهاب ماشي
ييجي الليل يتشيك شهاب وينزل م البيت تشوفه هند م البلكونة تفضل بصاله لحد م يختفي تقرب عليها فاطمة
فاطمة بتعملي ايه !
هند ب خضة خضتيني ولا حاجة
جوة night club يدخل عصام ومعاه شهاب اغاني وانوار وبنات وشباب وجو مبيشفهوش غير ف الافلام عمال يتفرج
كعب الغزال ف الجمال ملكيش مثيل سايقة الدلال بنت الحلال والعود اصيل لو عندك كوم من الجبال هتيلي اشيل لو حد غيري يبصلك هيبات قتيل ..
شهاب وهو بيبص ع البنات انت متأكد اني هعمر هنا
عصام لا
نهائي بس صاحبي وعاوز اخدمك
شهاب حبيبي
يدخلوا مكتب
عصام سلاموا عليكم
بكر وهو بيقوم يسلم عليهم عليكم السلام اتفضلوا
يقعدوا
عصام انا عصام جايلك من طرف حودة جابر
بكر ب تذكير ااه اه عشان الشغل
عصام بالظبط كدة
بكر بس انا كنت طالب واحد بس !!
عصام اه لا مهو ليه هو مش انا دة شهاب الي هيشتغل
بكر طب تمام اوي لحظة واحدة
يمسك الفون
بكر تعليلي المكتب
يقفل
بكر حودة فهمكوا النظام
عصام لا هو قال نروح نقابلك وانت هتفهموا بقا
بكر طيب .. مبدأيا كدة مرتبك بيبقا ٢٠٠٠ جنيه ك بداية وبعد كدة بتذيد لو شغلك عجبني
شهاب تمام
بكر ليك نيو فورم بدلة اول م بتوصل هنا بتدخل تغير هدومك دي وبتلبسها
شهاب تمام
بكر هنا مش اي حد بييجي دول ناس تقال وولاد ناس تقال ف مش عاوز اي مشاكل مع حد .. في بابين للمكان باب الشارع وباب السلم انت مكانك هيبقا عند باب السلم دة منك شايف الي برة ومنك حارس الي جوة تمام
شهاب تمام
بكر عاوز تبدأ من امتى
شهاب م الوقت الي حضرتك تحبه
بكر خلاص دلوقتي لان مفيش برة غير واحد بس الي واقف .. دة اذا مكانش عندك مانع
شهاب لا اوك ماشي
تدخل بنت
بكر سو دة شهاب البادي جارد الجديد هتاخديه توريه مكان لبسه عشان يغير
سو اوك .. اتفضل
تمشي سو ويروح وراها شهاب
شهاب ااا انتي ……….
سو شغالة هنا اه
شهاب ب استغراب انتي بتقري الافكار ولا ايه
سو وهي بتبصله ب ابتسامة حاجة زي كدة
يبتسم شهاب يدخلوا اوضة تقرب سو ع بدل
سو مقاسك كام
شهاب ب حيرة مش عارف
تقرب عليه تحط ايدها الاتنين ع كتفه تبقا شبه حضناه تشوف تكت القميص الي لابسه وترجع تجيبله بدله وتديهاله
سو البس .. هستناك برة
شهاب اوك
تخرج سو ويلبس شهاب ويخرج تاخده تعرفه مكانه وتفهمه الشغل يقف ف المكان الي اتقاله عليه سو شغالة ويتر رايحة جاية ترمي نظرات وابتسامات ل شهاب وهو متابعها وفجأة تخبط ف بنت يدلق عليها المشروب
بنت انتي حمارة ي بنتي
سو سوري مشفتكيش
شاب مشفتيهاش ايه دة انتي داخلة فيها زي الطور
سو انا قلت سوري ع فكرة
بنت لا وكمان باردة عملت ايه انا ب سوري بتاعتك دي هتنشف هدومي
سو ب برود والله مش مشكلتي ومقدرش اقولك اكتر من سوري
تتغاظ البنت وتبص للشاب يضربها الشاب بالقلم تتخض سو وشهاب شايفه يتغاظ شهاب يقرب عليهم
الشاب ب انفعال هتقلي ادبك هناولك التاني
لسة هيزقها يمسك ايده شهاب
شهاب مفيش داعي حضرتك ل كل دة
الشاب وهو بيشيل ايده من شهاب وانت مال اهلك
شهاب وهو بيبص ل سو شوفي شغلك
تمشي سو ولسة شهاب هيمشي ………
الشاب انت اټجننت يلا خد هنا
يقف شهاب
شهاب ب تنهيدة أأمر حضرتك
الشاب نادي البت دي انا لسة مخلصتش كلامي معاها
شهاب وهو بيقرب عليه اوي طب لم الليلة عشان منظرك ميبقاش وحش قدام الحلوة دي
الشاب ب انفعال وحيات امك
لسة هيضرب شهاب بالقلم يصد شهاب ايده ويضربه هو بالقلم يتخض الكل وتقوم خناقة بين امن المكان والشاب وصحابه يعدي الوقت شهاب وسو ف مكتب بكر
بكر ب انفعال من اولها كدة دة انت لسة مبقالكش كام ساعة !!!!
شهاب هو الي غلط الاول وانا طولت بالي ع اد م اقدر
بكر لا واضح بصراحة ان بالك طويل اوي
شهاب ان ……….
بكر خلصنا .. انا الي قبلك مشيتوا بسبب ام القرف دة ومش ناقص ۏجع دماغ انت ملكش شغل هنا اتفضل بالسلامة
سو بس ي بكر هو ………
بكر ب زعيق سووووو .. كلمة ذيادة وهتحصليه
تسكت
بكر خديه ع الحسابات ياخد حق الكام ساعة الي اشتغلهم ويمشي .. اتفضل
يمشي شهاب ب عصبية تروح وراه سو
سو شهاب .. شهاب استنى
تمشي جنبه
سو انا اسفة كل دة بسببي
شهاب انتي ملكيش دعوة هو الي ابن كلب
يدخل الاوضة الي بيغير فيها وسو وراه
سو طب هتعمل ايه
شهاب وهو بيقلع الچاكيت هعمل ايه يعني همشي
سو ب حزن انا بجد حاسة بالزنب
شهاب مش زنبك انا مبعمرش ف شغلانة عادي يعني
يقلع القميص
سو طب تقدر تستناني برة هغير هدومي واجيبلك فلوسك واجي انا كدة كدة خلصت الشيفت بتاعي
شهاب ماشي
تمشي سو يكمل شهاب تغيير هدومه وبعدين يستنى سو برة تقرب سو
سو وهي بتديله الفلوس اتفضل
ياخدهم منها يتمشوا سوا
سو في مكان تاني هتشتغل فيه
شهاب لسة مش عارف .. هتصرف
سو ان شاء الله تلاقي
شهاب انتي شغالة هنا من كتير
سو اه سنتين
شهاب والمعاملة خرة كدة دايما مع الزباين !
سو لا مش دايما ع حسب .. الي يعاملك حلو عشان يجيب رجلك والي يعاملك وحش قدام حبيبته عشان يبان قدامها دكر زي م حصل دلوقتي وكدة يعني
شهاب طب م تشوفيلك شغلانة تانية
سو انهي شغلانة الي هتقبضني ٦ الاف جنيه كل شهر
شهاب ااااه .. وطبعا بتصرفي ع امك واخواتك وابوكي مېت
سو لا نهائي انا ماليش اخوات وامي وابويا مسافرين الامارات وظروفنا المادية كويسة جدا وبيبعتولي فلوس كمان
شهاب ب استغراب اومال ايه الي مشغلك ف المكان دة !!!!!
سو مش كل حاجة الفلوس .. هو بس زهق اولا .. ثانيا انا مبقبلش فلوس اهلي بحس انه زي واجب يشتغلوا ويرمولي كام جنيه عشان يبقوا عملوا الي عليهم وعشان اسكت لكن ولا يعرفوا عني حاجة .. ف بشتغل وبصرف ع نفسي وبالنسبالي شغلي ف المكان دة أأمن من برة لان اخري زي م انت شايف خناقة ضړبة لكن محدش يقدر يلمسني ڠصب عني .. برة هتمرمط ومحدش هيسيبني ف حالي
شهاب تفكيرك غريب
سو تفكيري صح
شهاب من وجهة نظرك
سو مش هتفرق المهم اني مبسوطة
يبتسم
سو احكيلي عنك بقا
شهاب عاطل عن العمل من ربع ساعة
سو هههههه
شهاب يعني انتي عايشة لوحدك
سو اه
شهاب اممممم
ف بيت فاطمة قاعدة فاطمة مع اخواتها
هند والله انتي الي متفرعنة وسايبة محلنا ورايحة تشغلي ف المول
فاطمة محلنا ايه الي ف المنطقة المعفنة دي والي رايح والي جاي يقف يقرفني
اسراء وانتى كدة مش مقروفة يعني !
فاطمة بس بعرف اوقفوا عند حدوا لكن هنا لو حد كلمك ورديتي عليه ياكلك
هند والله انتي الي عاملة ف نفسك كدة اتحملي بقا
اسراء طب م يمكن بيحبك
فاطمة بيحب مين دة انا مبقاليش كام يوم وبعدين
دة عينه زايغة ع اي حد يدخل المحل مش انا لوحدي
هند طب ي بنتي م تفكك وتعالي اقفي معانا ووالله م حد بيقدر يكلمنا واهو ف منطقتنا وسط اهلنا بدل الحيوان دة م يخنقك
فاطمة هشوف
اسراء شوفي مش هتخسري حاجة
فاطمة ماشي
تاني يوم الساعة ٨ الصبح ف بيت سو واقف شهاب بيلبس
سو انت مستعجل ليه كدة م تنام وبعدين ابقا روح
شهاب معلش مينفعش
سو طب هشوفك تاني
شهاب ان شاء الله
سو طب عاوزة رقمك
شهاب اوك
يخلص لبس ويديها الرقم ويمشي يروح البيت ينام تدق الساعة ١١ الصبح تدخل ام شهاب تصحيه
الام وهي بتفتح البلكونة ي بني قوم هتلنا فطار
شهاب يما سبيني حرام عليكي دة انا نايم الصبح
الام مين يجيب يعني اخواتك مش هنا
شهاب ابعتي ابويا واقفلي البلكونة دي
الام انت عاوزه يطلقني فيها قوم ي ولا انت
شهاب ب زعيق مش قايييييم
ابو شهاب قاعد برة بيتفرج ع التي ڤي تقرب عليه ام شهاب
الام ب زعيق قوم شفلي ابن الجزمة الي جوة دة بدل م اسيبلكوا البيت واغووور
الاب في ايه ع الصبح
الام مش عاوز يقوم م النوم
الاب سبيه شوية لسة بدري
الام ومين يجيبلي فطار بيقولي نزلي ابويا هتنزل انت
الاب ايه
يقوم الاب يجري عند شهاب نايم وبيشخر يدخل الاب
الاب ب زعيق ياض ي ابن الكلب
يقوم شهاب مخضوض يحدفه بالشبشب
الاب قوووم
شهاب ب فزع في اييييه
الاب فطار ايه الي انزل اجيبه وانت مخمود ي صايع ي قليل الادب قوم فز هاتلنا طفح
شهاب استغفر الله العظيم يارب هو الواحد ميعرفش يناملوا ساعتين ف البيت دة والله كنت نمت برة اريحلي
الاب والله لما تبقا جاي من شغل وشقى نبقا نسيبك تتخمد لكن بتتسرمح مع الصيع صحابك والبنات يبقا تقوم تخدم بقا ويبقالك فايدة ف البيت دة
شهاب وهو بيبص ل امه قلتيله ماشي
الام مقلتش
الاب وهو خارج م الاوضة اخلص ف ليلتك دي بدل م ارجعلك تاني
شهاب الصبر يارب
يبص شهاب يلمح فاطمة ف البلكونة كانت شايفة كل حاجة وفطسانة م الضحك يبصلها ب غيظ تبصله ب استفزاز وتدخل جوة ب تكبر
شهاب ي بنت ال
يلبس شهاب شبشب ع تيشرت نص كم وسويت بانس وينزل الشارع يقف عند بياع الفول والفلافل يشوف صحابه هناك
خليل ايه دة شهاب بنفسه نازل يجيب فطار
شهاب ي عم اقعد مش نقصاك
يشوف فاطمة جاية عليهم
الحلقة الرابعة ٤
هيثم ب ضحك معلش بكرة تتعود
خليل هههههه
شهاب ابو شكلك ع الصبح
تقف فاطمة قريبة منهم عشان تجيب
هيثم وهو بيبص ل فاطمة تقلان علينا ليه ي حلو
متردش
شهاب ع فكرة رضا الاب مهم جدا يعني
فاطمة اه طبعا .. هو احنا لينا غيرهم
شهاب ماشي ي عم اتريق براحتك
فاطمة وهي بتبصله مبتريقش ع فكرة ربنا يخليهولك
شهاب ب استغراب تسلمي
يتغاظ هيثم انه كلمها ومردتش عليه ودلوقتي بترد ع شهاب
هيثم م انتي بتتكلمي اهو اومال معايا القطة واكلة لسانك ليه
فاطمة لما تتكلم ب ادب ابقا ارد عليك
هيثم قصدك اني قليل الادب !!!
متردش
خليل خلاص ي بني
هيثم ب عصبية لا ترد ع امي ولا هو للي ليها مزاج ليه بس
فاطمة احترم نفسك احسنلك
شهاب م قالك خلاص اهدى بقا
هيثم لا مش محترم نفسي م انا قليل الادب بقا
البياع يديها الاكل تاخده ولسة هتمشي يقف قصادها هيثم
فاطمة وبعدين ف الصباح الي شبه وشك دة
هيثم لا مشيها وش شهاب اصلوا احلى وبيترد عليه
شهاب لا اتلم بقا عشان ملمكش ع الصبح
خليل م تهدى ي هيثم في ايه !!!
شهاب روحي ي بنتي اما نشوف اخرتها
لسة هتمشي
هيثم لا وربنا مهي ماشية هي خلاص كبرت ف دماغي
فاطمة ب انفعال مين دي الي متمشيش متخلنيش امرمت ب كرامتك الشارع واهزقك ف لم الليلة دي احسنلك
يقرب شباب صحابهم
هيثم طب مش لاممها ي روح امك عشان تبقي مترديش عليا كويس
فاطمة روح امي !!!!!
خليل م خلصنا ي هيثم ايه لعب العيال دة !!!
فاطمة انت ………..
شهاب وهو بياخد دماغ هيثم تحت ايده تعالى كدة وانتي روحي يلا
تمشي فاطمة
هيثم وهو بيزق شهاب ب عصبية ي عم اوعاااا
يخبط شهاب ف خليل يتغاظ يضرب هيثم بالشلوت يوقعه ع الارض تشوفه فاطمة
شهاب ب زعيق عمال اقول ل اهلك اهدى م الصبح في ايه يلا
يتلموا صحابهم
…….. اهدوا ي شباب في ايه !!!!
خليل وهو بيرجع شهاب ل ورا خلاص ي شهاب حصل خير
يقوموا هيثم م الارض ماسك بطنه مكان الضړبة
هيثم ب زعيق انت بتضربني عشانها ي شهااااب
شهاب لا عشان دخلتني بينكم مالك محروق ليه انها ردت عليا ومردتش عليك م عن امها م ردت في ايه ع الصبح
هيثم تمام ي عم
شهاب ل البياع هات ي بني الاكل هو يوم باين من اوله هات الله يخربيت اصطباحتكم الخرة
يديله الاكل توصل فاطمة البيت
الام ايه الي اخرك كدة !!!
فاطمة كنت بتخانق
اسراء لا والله مع مين !!
فاطمة الحيوان هيثم
الام عملك ايه
فاطمة وقف يرخم عليا عشان كان بيعاكسني ومردتش عليه
اسراء وبعدين
فاطمة ولا قابلين .. شهاب ضربوا
اسراء ب اندهاش لا ي شيخة
فاطمة وربنا
اسراء لا احكي بالتفصيل بقا وبالراحة كدة
يوصل شهاب تحت البيت يستغرب مركونة عربية احدث موديل ومدخلتش منطقتهم قبل كدة يطلع البيت يفتح ويدخل يلاقي بنت قاعدة واخواته وامه قاعدين معاها
شهاب ب استغراب كارمن !!!!
كارمن شهااااب
نوقف لحظة .. كارمن بنت جميلة بشرتها بيضة شعرها تلجي طويل عيونها عسلي جسمها مظبوط بالملي رياضية جدا عندها ٢٥ سنة بباها رجل اعمال كبير ومامتها مټوفية وهي سيدة اعمال عندها شركة ادوات تجميل كارمن تبقا بنت خالة شهاب كانت عايشة مع بباها برة مصر ولما رجعت ملهاش اختلاط بالعيلة اوي عشان فرق الماديات متجوزة رجل اعمال غني جدا بس كبير ف السن .. نرجع تاني
شهاب عاملة ايه
كارمن الحمدلله تمام
شهاب ليكي وحشة والله دة انا معرفتكيش ف الاول !!!
كارمن وانتوا والله واحشني جدا
الام شايف كبرت واحلوت ازاي
شهاب اه
كارمن ميرسي ي خالتوا
وجدان بس ايه الي فكرك بينا يعني !!!
كارمن وحشتوني عديت ع بيت جدو سلمت عليهم وقلت اجي اشوفكم
هدير فيكي الخير ي بنتي
كارمن وكنت مسافرة ورجعت من اسبوع
شهاب حمدلله ع السلامة
كارمن الله يسلمك
الام ابوكي عامل ايه وجوزك
كارمن
كويسين الحمدلله بيسلموا عليكم
الام الله يسلمهم .. الا سمعت انك عندك شركة
كارمن اه شركة ادوات تجميل
وجدان ميكب
كارمن ميكب وبررفيوم وكدة يعني
وجدان اهاااا
الام بتشغلوا رجالة
يبصلها شهاب
كارمن اه اكيد
الام طب م تشوفلنا شغلانة ل شهاب
كارمن ا ……….
شهاب ب خضة ايه يما انا مقلتش عاوز شغل !!!!!
الام انت مش قاعد م الشغل يعني محتاجه
شهاب وهو بيقوم م الاحراج الله واكبر عليكي صراحة مش عارف اقولك ايه
يدخل اوضتة
هدير ي ماما حرجتيه
كارمن هو انا غريبة ي هدير !!
هدير لا بس شهاب نفسه عزيزة عليه ومبيحبش كدة
كارمن ع العموم ي خالتوا انا محتاجة ناس للشركة وكنت عاملة اعلان ف خليه يجيلي بكرة الصبح وهسيبلك العنوان تديهوله
الام ب فرحة الله يخليكي ي بنتي ويكرمك
كارمن تؤمري ي حببتي
الام يلا قوموا ي بنات حضروا الفطار خلوا كارمة تفطر معانا
كارمن وهي بتقوم لا لا انا ماشية
الام ماشية فين لا طبعا هتفطري معانا
كارمن والله م هلحق ورايا كذة مشوار لازم اخلصهم قبل م اروح الشركة
الام طيب ي حببتي ربنا يعينك بس هنستناكي يوم تجيلنا فيه من اوله كدة
كارمن ان شاء الله حاضر
تسلم عليهم
وجدان شكرا ع الهدايا الحلوة دى
كارمن العفو ي قلبي دة قليل عليكوا .. سلمولي ع شهاب وعمو سلطان
الكل الله يسلمك
الام مع السلامة .. استني الولا شهاب يوصلك