شوربه مراتى ٢
حكايات زهره
هنا، الراجل اللي لابس بدلة اتكلم بهدوء قاټل:
”الحاجة اللي هتتلم هي الهدوم الشخصية بس يا فندم، ودول الكرتونتين اللي عند البلكونة. أما منى هانم، فـ هي مش راجعة.”
أمي صړخت فيه: “وإنت تطلع مين إنت كمان عشان تتكلم في وسطنا؟”
الراجل طلع كارت وقدمهولي: “أنا الأستاذ مدحت، محامي مدام منى. والملف اللي قدامي ده فيه تلات حاجات: محضر إثبات حالة بـ الاعتداء والضړب صادر من مستشفى حكومي ومثبت فيه الکدمة اللي في وشها، وتقرير طبي تاني بـ حالة الثدي الچرحية والتهاب القنوات اللبنية الحاد الناتجة عن إجبارها على تناول مواد دهنية ضارة بـ حالتها الصحية، ودعوة طلاق للضرر، بـ الإضافة لـ إنذار بـ تسليم منقولات الزوجية بالكامل.”
الدنيا لفت بيا.. المحل الكبار، المعرض اللي بديره، المبيعات، برستيجي كـ مدير.. كل ده اتمسح. بقيت واقف زي العيل الصغير في وسط الأوضة، حاسس بـ سكاكين بتقطع في ضهري.
الحقيقة المُرّة
أنا صدمتي مكنتش من المحامي، صدمتي كانت من “التقرير الطبي”. افتكرت ليلتها لما كانت منى بتكتم صړختها في المخدة وپتموت من الألم، وأمي بتقولها “متبقيش خفيفة”.. في الوقت ده، منى كانت بتسجل كل حاجة، كانت بتستحمل الۏجع وراحت المستشفى تاني يوم الصبح لما قلتلها أنا نازل الشغل، من غير ما تقولي كلمة واحدة!
أمي ضحكت بـ استهزاء وقالت: “تطلق للضرر؟ قلم عشان بنربيها ونعلمها الأدب يبقا ضرر؟ والشوربة اللي طافحة الډم عشان أعملهالها بقت أذى؟ اعلى ما خيلكم اركبوه، والمحاكم بتاخد سنين، وابني سِيد الرجال وألف مين تتمناه!”
هنا منى اتكلمت.. لأول مرة من أسبوعين تسمع صوتها. صوتها كان هادي، مش لعلع ولا صړخ زي أمي، بس كان طالع بـ نبرة قاطعة زي السيف:
”المحاكم بتاخد سنين يا ماما فاطمة لما تكون الست عايزة نفقة ومتعشمة في قرشين.. بس أنا مش عايزة من ابنك مليم. أنا متنازلة عن مؤخري، ومتنازلة عن نفقة متعتي وعدتي، ومش عايزة منه غير مصاريف بنته بـ النسبة اللي يحددها القانون. أنا بايعة.. والبيع بـ رخيص بيمشي في المحاكم أسرع من البرق.”
بصتلي وقالت:
”أنا مكنتش قرفانة من الكوارع يا أحمد.. أنا قرفت منك إنت. لما اضربت بالقلم قدامك، عيني راحت عليك مستنية الرجولة.. مستنية الضهر اللي سِبت بيت أبويا وجيت عشت معاه. لقيتك واقف مشلۏل، ولما نطقت، قولتلي ‘اشربيها وعدي الليلة’.. إنت بعتني بـ رخص التراب عشان تشتري رضا أمك في باطل. القلم اللي خدته من أمك ۏجع وشي يومين.. بس كلمتك إنت كسرت ضهري ودفنت كرامتي وعمري ما هسامحك عليها.”