جوزى مسافر الاخير
رومانى مكرم
أحمد بصلي بنظرة ذكية وقالي: “مين قالك إنها راحت؟ حازم عشان يثبت قض..ية النصب على منى وشيماء، لازم يثبت إن الفلوس دي بتاعته وهو اللي محولها.. والنيابة هتحقق في مصدر الفلوس دي بره وجوة وجدول الضرائب في فرنسا.. حازم دخل نفسه في متاهة قانونية برة ومصر مش هيطلع منها بالساهل، والفلوس دي هتفضل مجمدة لحد ما القض..ية تخلص.. وساعتها إحنا هنرفع قض..ية متجمد نفقة ومؤخر وبدل متعة، وناخد الفلوس دي بحكم محكمة رسمي وباسم القانون مش بالنصب!”
كلام أحمد نور في دماغي طريق جديد.. اللعبة مخلصتش، دي يدوب اتقلبت من لعبة أكونتات وهمية في الضلمة، لقض..ية قانونية ومحاكم في النور، وأنا معايا ورق طلاقي وتنازله عن الشقة سليم وموثق.
وفجأة وأنا قاعدة مع أحمد، لقيت الموبايل بتاعي بيرن.. المتصل كان محامي حازم!
أحمد شاورلي افتح الاسبيكر، ورديت: “أيوة يا أستاذ رفعت.. خير؟”
صوت المحامي كان باين عليه الوعيد والضغط، وقال بالنص: “مدام هدى.. حازم في النيابة دلوقتي وحالته تصعب على الكافر، منى وشيماء لبسوه قض..ية تانية خالص.. منى اعترفت إن حازم كان بيبعت الفلوس دي عشان يهربها من الضرائب في فرنسا وإنه شريك معاهم في تجارة عملة! حازم هيضيع يا مدام.. وهو طالب منك طلب واحد عشان يخلص الليلة دي.”
بصيت لأحمد وابتسمت ابتسامة باردة وقولت للمحامي: “وطالب إيه بقى الباشا؟”
المحامي قال: “عايزك تروحي بكرة النيابة وتشهدى معاه.. تقولي إن الفلوس دي كانت مصاريف البيت والعيال وإنه كان بيبعتها لمنى عشان تسلمهالك.. ومقابل ده، حازم هيمضيلك على شيك بمبلغ الترضية اللي أنتي عايزاه أول ما الفلوس تفرج عنها النيابة.. وافقي يا هدى بدل ما حازم يتسجن ومتاخديش مليم واحد لا أنتي ولا عيالك.”
حطيت صباعي على الشاشة وكتبت رسالة في نوتس الموبايل ووريتها لأحمد عشان أشوف رأيه قبل ما أرد على المحامي، كتبت فيها: ”
حكايات رومانى مكرم تابعو صفحه رومانى مكرم
كتبت في النوتس ووريتها لأحمد: “أنا هروح النيابة بكرة يا أستاذ رفعت، بس الشيك يتكتب ويتمضي حالاً في القسم قبل ما رجلي تخطي النيابة، ويكون بمبلغ يعادل كل الدولارات اللي حازم حولها لمنى.. غير كده، حازم يلبس قضيته لوحده ويشرب من نفس الكاس اللي كان عاوز يسقيهولي.”
أحمد هز راسه بالموافقة والابتسامة نورت وشه، شاورلي بصباعه بمعنى “اضغطي عليه أكتر”.
قولت للمحامي على الاسبيكر بكل ثبات: “سمعت شروطي يا أستاذ رفعت؟ حازم مضى على ورق طلاقي وتنازل الشقة وهو فاكر إنه هيهرب بالفلوس مع ميرا.. ودلوقتي منى وشيماء لبسوه قض..ية تجارة عملة وتهريب ضريبي يعني مستقبله في فرنسا ومصر طار. أنا حبل النجاة الوحيد ليه.. الشيك يتمضي بكرة الصبح في النيابة ويكون مقبول الدفع، وقيمته 50 ألف دولار، تمن شقايا وقهرتي.. غير كده، حازم مكانه السجن.”