متجوز من ٨ سنين ١

“جرى إيه يا أحمد؟ وأنت بتفتش في تليفوني ليه أصلاً؟ وبعدين آه، مرتب الصافي بتاعي 12 ألف.. فين الغفلقة في كدة؟”

“فين الغفلقة؟” صرخت فيها لدرجة إن الجيران أكيد سمعوا: “أنتي كنتي بتقوليلي مرتبك 6 آلاف! تمن سنين بتاكلي معايا عيش وملح وبتخبي عليا نص شقاكي؟ وأنا زي المغفل حارم نفسي عشان القرش الأبيض ينفع في اليوم الأسود!”

ربعت إيدها وقالت ببرود يقهر: “الفلوس دي أنا مش بفسح بيها نفسي ولا بصرفها على ميكب. الفلوس دي بتروح لأبويا.. الراجل اللي طفح الدم عشان يعلمني ويوصلني للمركز والوظيفة دي. الفلوس دي بتعلم إخواتي الصغيرين وتستر بيتنا القديم. لو كنت قلت لك من الأول، كنت هتقول لي لأ بيتك وعيالك أولى، وأنا مكنتش هقدر أكسر بخاطر أبويا”.

الكلام نزل عليا زي الكرباج. قهرتني.. حستتني إني غريب، إني مش أمان.

“وأنا مش بيتك؟ والعيال دي مش عيالك؟ تضحكي عليا وتستغفليني تمن سنين عشان أهلك؟ من هنا ورايح يا بنت الناس، القبض كله يجيلي أول الشهر جنيه ينطح جنيه، وأنا اللي أدير البيت وأشوف هيروح فين!”

ملامحها اتغيرت تماماً، عينيها ضيقت وظهرت فيها قساوة عمري ما تخيلتها في مراتي الهادية. قربت مني وقالت بصوت واطي بس كله سم:

“على جثتي يا أحمد.. المرتب كله مش هتشوف منه مليم بعد كدة. والـ 6 آلاف اللي كنت بديهملك، انسى إنهم يدخلوا البيت تاني مادام اعتبرت مسعدتي لأهلي غفلقة. أنا مش هقطع المساعدة عن أبويا وإخواتي عشان أرضي كبريائك!”

سابتني واقف في الصالة زي التمثال ودخلت رقعت باب الأوضة وراها. الدنيا اسودت في عيني..

الدم كان بيغلي في نفوخي والشرار بيطلع من عيني، ومبقتش شايف قدامي. تمن سنين ثقة اتمسحوا في دقيقة، والست اللي كنت فاكرها حتة مني، بقت واقفة ند بند قدامي وبتخيرني بينها وبين أهلي.

روحت رايح وراها وضارب باب الأوضة برجلي فتحته، وقفت بطولي قدامها وسنان بلي كز على بعضها من كتر الغل. هي اتخضت من دخلتي وقامت وقفت.

شاورمت بصباعي في وشها وقلت لها بصوت زي الرعد: “بصي بقى يا بنت الناس.. الكلام الخايب بتاع ‘على جثتك’ دا تبليه وتشرَبي ميته. أنتي سحبتي من ورايا شقى وعمر، وكنتي بتغفليني تمن سنين كاملين وبتديني نص الحقيقة. من النجمة، الفلوس اللي أبوكي وأهلك خدوها مني ومن عيالي في الدرى تمن سنين ترجع كلها جنيه ينطح جنيه.. تتصرفي، تجيبيهم من تحت الأرض، يبيعوا أرض، يبيعوا دهب، مليش فيه! الفلوس دي حقي وحق عيالي اللي اتحرموا من اللقمة عشان بشواتك يتعلموا.”