حماتى زقتنى ١

كان في شقتنا مع “سوزي”، قاعدين يضحكوا ويسهروا على الملايات اللي أنا لسه غسلاها ومطراها بإيدي من يومين، وقزازة الحاجه الساقعة والفاكهة على التربيزة. الحاجة فوزية كانت لسه باعتا لـ عصام رسالة على الواتساب بتقوله فيها: *”البت غارت في داهية وطفشت أخيراً، والبيت نضف وبقى بتاعنا، مبروك عليك يا قلب أمك”*.

#الكاتب_رومانى_مكرم

وفجأة… تليفونه اتهز وصوته رن في الأوضة.

ظهر على الشاشة: “الدكتور

عصام رد بالصوت المتعجرف والناشف اللي بيكلم بيه البوابين أو الشغالين:

— “أيوة.. مين؟ اخلصوا مش فاضي.”

بس على الناحية التانية، الدكتور “أحمد” مكنش عنده وقت للمهاترات، وقال له الكلمتين اللي طيروا برج من دماغه وخلوه يندم على اليوم اللي اتولد فيه…

يا ترى الدكتور أحمد هيقوله إيه، وعصام هيعمل إيه لما يعرف إن الطاووس اللي كان عمال يتنطط بيه طار، والشركة والشقة والعربية بقوا في الهوا؟”

الدكتور أحمد أخد نفس طويل، صوته في السماعة كان هادي، بس الهدوء ده كان عامل زي الهدوء اللي بيسبق العاصفة. قال له بنبرة باردة ومفيش فيها أي مشاعر:

— “معاك الدكتور أحمد من مستشفى القصر العيني. أنا بكلمك بخصوص المدام رضوى… للأسف المدام وصلت هنا بعد ما وقعت من على السلم، وحصل لها إجهاض كامل. هي كانت حامل في الأسبوع الثامن.”

عصام اتعدل في سريره، ملامحه اتمطت ببرود، وبص لـ سوزي اللي كانت بتلعب في خصلات شعرها وبتضحك بدلع. رد بكل غلظة:

— “وأنا مالي؟ ما تغور، هي اللي مهملة وبتدلع، وبعدين دي وقعة سلم يعني مش حوار.. اخلص يا دكتور وشوف هتمضوها على خروج إمتى عشان أنا مش فاضي أجي وجع دماغ.”

الدكتور أحمد قاطعه بصوت حاد وزي الس..كينة:

— “استنى هنا يا أستاذ عصام.. إنت مالي ونص! الكلام اللي جاي ده يخصك إنت بالذات. إحنا لما المدام دخلت، عملنا كل الفحوصات والإشاعات، وبناءً على فصيلة الدم والتحاليل الجينية اللي كانت مطلوبة لتوثيق حالة الإجهاض، وعينات المقارنة اللي سحبناها… أنا مضطر أبلغك بالتقرير الطبي النهائي اللي طلع من المعامل المركزية دلوقتي. التحاليل والإشاعات بتاعتك إنت شخصياً، من واقع ملفك القديم اللي متسجل عندنا في المستشفى لما كنت بتعمل عملية الدوالي من سنتين، وبمطابقتها مع النتايج الحالية… بتأكد إنك عقيم تماماً! إنت عندك غياب كامل في الحيوانات المنوية، ونسبة الخصوبة عندك صفر. يعني بالبلدي كده… عمرك ما خلفت، وعمرك ما هتقدر تخلف أصلاً!”