الغربه
امانى سيد
بعد حوازى قررنا انا وجوزى نأجل الخلفه شويه نكون اشترينا شقه تمليك وقدرنا نشيل قرشين للزمن وبعد شهر من جوازى جوزى قالى فى فرصه سفر حلوه وبمرتب كبييير جدا سافرى وانا احاول اجيب لنفسى فرصه واخصلك احنا كده كده مافيش بينا عيال
سمعت كلامه وسافرت وكنت كل شهر بحوله جزء من مرتبى على اساس مقدم قسط شقه فى مكان راقى وكل فتره يكلمنى محتاح فلوس عشان النقاشه عشان الكهربا وانا كنت ببعتله وكل اما اقوله انزل زيارت كان يرفض ويقولى وفرى تمن التذاكر نجيب بيها حاجه مهمه
عدت سنه وقولت انزل اشوف البيت والشقه ونزلت لكن اللى اكتشفته اكبر صدمه ممكن اقابلها
روحت بيتى القديم ملاقتش حد
قولت اروح اشوف الشقه الجديده اللى سجلت صوره العقد وهو بيبعتلى تفاصيلها وهو بيكلمنى لكن اللى شوفته هناك كانت أكبر صدمه ممكن تقابل حد
خبطت الباب وفتح جوزى ولابس بيجامه ستان وبصلى بتوتر زقيته ودخلت وشوفت اختى قاعده ولابسه ابس بيتى
اتصدمت ولسه هصوت
لقيت اختى قامت ضربتنى بالقلم وقالتلى ده جوزى وقبل ما يكون جوزى كنت بنحب بعض من ايام الجامعه لكن هو مكنش معاه فلوس يتجوز عشان كده اتجوزك وسفرك وطلقك تانى يوم السفر
الكلام نزل عليا زي الميّه المغلية، الدنيا لفت بيا ومبقتش قادرة أقف على رجلي. بصيت لجوزي.. اللي كنت فاكراه جوزي.. وسألته بأعلى صوت عندي والدموع مغرقة عيني: “الكلام ده صح؟ أنت طلقتني؟”
وقف مكانه، ملامحه اللي كانت كلها حنية واتحولّت لبرود مقرف، وبص في الأرض وقاللي: “يا بنتي افهمي.. الحب مبيأكلش عيش، وأنا وأختك بنحب بعض من زمان، بس كنا محتاجين زقة، محتاجين قرشين نبدأ بيهم حياتنا، وأنتِ بسم الله ما شاء الله ممرضه ومعاكى فلوس اد كده وعمرك ما كنتى هتساعدى اختك يالفلوس دى كلها و جالك عقد السفر ده على طبطاب.. فقولنا نضرب عصفورين بحجر!”
ـ عصفورين بحجر؟! يعني أنا كنت بالنسبة ليهم مجرد سبوبة؟ مكنة فلوس بتطبع وهما يتدلعوا على حسابى ؟
أختي وقفت بكل بجاحة، حطت إيدها في وسطها وقالتلي: “ماتعمليش فيها الضحية يا حبيبتي، الشقة دي مكتوبة باسمي وباسمه بالنص، والفلوس اللي كنتِ بتبعتيها دي مهر شبكتي وتجهيز بيتي.. أنتِ أخدتي فرصتك وسافرتي وشوفتي الدنيا، سيبيلنا إحنا بقى العش الهادي نعيش فيه!”
حسيت بنار قايدة في صدري، القلم اللي أدتهوني أختي كان واجعني في قلبي مش في وشي. بصيت للمكان.. النجف اللي دافعة تمنه، السجاد اللي كنت بنزل ألف في الغربة عشان أنقي أحسن خامة وأبعتله تمنه، حتى البيجامة الستان اللي هو لابسها.. أنا اللي كنت شارياها وبعتاها في شنطة هدايا مع واحد صاحبه!