عيال جوزى ٢
حكايات صافى
ولاء ضحكت بصوت عالٍ وهي تأخذ حقيبتها وتستعد للخروج: “يلا يا ليلى.. يلا يا حازم، سيبوا الست الطيبة تفكر في العرض.. يا الدفع والذل ورجوعك تحت جزمتهم.. يا ليمان طرة والبدلة البيضا!”
خرجت ولاء ومعها ليلى وحازم الذي رزع الباب خلفه بقوة هزت أركان الفيلا، تاركين خلفهم صمتاً مرعباً، وجلال جث..ة هامدة على الأرض، والمحامي ينظر إليّ وينتظر كلمة واحدة.
نظرتُ إلى يدي التي كانت ترتجف، ثم نظرتُ إلى الورقة المتروكة على الطاولة.. وفجأة، تحولت رجفتي إلى هدوء غريب. ابتسمتُ ابتسامة بطيئة، والتفتُّ للمحامي وقلت له بنبرة جعلته يتراجع خطوة للخلف من فرط برودها: “اجمع لي كل الأوراق دي يا متر.. وخليهم يبلغوا.”
برق المحامي عيناه بصدمة: “أنتِ بتقولي إيه يا مدام كريمة؟! بقولك سجن وتزوير!”
نظرتُ إلى جلال الملقى على الأرض وقلت بصوت مسموع: “خليهم يبلغوا.. عشان هما فاكرين إن دي الورقة الوحيدة اللي في اللعبة.. لكن هما ميعرفوش إن جلال من سبع سنين كتب لي الورقة دي تحت التهديد، وأنا في نفس السنة، حطيت حقي وحق فلوسي في مكان تاني خالص.. مكان هيخليهم يتمنوا السجن ولا اللي هيحصل فيهم الساعات الجاية.”
بص لي المحامي طارق وهو يبلع ريقه بصعوبة، ونظراته تتنقل بيني وبين جلال الذي رفع رأسه من على الأرض ببطء، وعيناه مليئتان بالرعب كأنه يرى أمامه شبحاً وليس الزوجة التي عاش معها اثني عشر عاماً.
قال جلال بصوت متقطع، يخرج من حنجرته كحشرجة الموت: “قصدك إيه يا كريمة؟ ورقة إيه اللي من سبع سنين؟”
جلستُ على الكرسي المقابل له بكل هدوء، وضعت ساقاً فوق الأخرى، ونظرت إليه نظرة باردة كالثلج، وقلت: “لما شغلك وقع من سبع سنين، والبنك كان هيحجز على كل حاجة، أنا طلعت تحويشة عمري وورثي عشان أسدد ديونك. وقتها أنت قلت لي ‘اكتبي الفيلا والشركات باسمك عشان نحميهم من البنك ومن ولاء’.. وأنا وافقت. بس اللي أنت متعرفهوش، واللي مكنتش متخيلة إني هحتاج أستخدمه في يوم من الأيام، إني قبل ما أوافق على البيع الصوري ده، خليتك تمضي على شيكات وإيصالات أمانة بكل مليم دفعتهولك.. شيكات متوثقة وعليها صحة توقيع في المحكمة.”
جلال اتسعت عيناه بصدمة وصرخ: “شيكات إيه؟! أنا عمري ما مضيت لك على حاجة!”
ابتسمت بسخرية: “مضيت يا جلال.. وسط ورق القروض وتسويات البنوك اللي كنت بتوقع عليه وأنت أعمى ومش شايف قدامك من الخوف. مضيت على مديونية قيمتها وقتها كانت 5 مليون جنيه.. والنهارده، بالفوائد القانونية وغرامات التأخير، معدية الـ 15 مليون.”